27 C
Colombo

සිංගප්පූරුවෙන් ගෝඨාභය රාජපක්ෂට ඉවත්ව යන ලෙස නිවේදනයක්!

Published:

සිය ආන්ඩුවට එරෙහි මහජන නැගිටීමකින් බේරීම සඳහා විදේශගත වූ ශ්‍රී ලංකාවේ බලයෙන් පහකළ ජනාධිපති ගෝඨාභය රාජපක්ෂ, දිවයින පුරා පැතිරී ඇති ආර්ථික අර්බුදය මගහරවා ගැනීමට “හැකි සෑම පියවරක්ම” ගත් බව පවසා තිබේ.

රාජපක්ෂගේ ඉල්ලා අස්වීම පාර්ලිමේන්තුව විසින් පිළිගනු ලැබීය. ඔහු මාලදිවයිනට ගොස් සිංගප්පූරුවට ගියේ සතියකට පෙර ලක්ෂ සංඛ්‍යාත ආණ්ඩු විරෝධී විරෝධතාකරුවන් කොළඹ වීදිවලට ​​පැමිණ ඔහුගේ නිල නිවස සහ කාර්යාල අල්ලා ගැනීමෙන් පසුවය.

රාජපක්ෂ මහතා සිය ලිපියේ සඳහන් කළේ, ශ්‍රී ලංකාවේ මූල්‍ය අර්බුදය මුල්බැස ඇත්තේ වසර ගණනාවක ආර්ථික අවභාවිතාව, ඔහුගේ ජනාධිපති ධුර කාලයට පෙර, Covid-19 වසංගතය සමඟ ශ්‍රී ලංකාවට සංචාරක පැමිණීම් සහ විදේශ ශ්‍රමිකයන්ගේ ප්‍රේෂණ විශාල වශයෙන් අඩු කළ බවයි.

සර්ව පාක්ෂික හෝ එක්සත් ආණ්ඩුවක් පිහිටුවීමට පාර්ලිමේන්තු මන්ත්‍රීවරුන්ට ආරාධනා කිරීම ඇතුළුව මෙම අර්බුදය විසඳීමට ගත හැකි සෑම පියවරක්ම ගත් බව ඔහු ප්‍රකාශ කර තිබේ.

නමුත් ගෝඨාභය රාජපක්ෂ රටක් බංකොලොත් කර පළාගිය නායකයෙකුය යන්න ජාත්‍යන්තර මාධ්‍ය තුළ ප්‍රධාන සිරස්තල මවමින් පළවීමත් ඔහුට ජාත්‍යන්තර වරෙන්තු මගින් අත්අඩංගුවට පත් කර පැනයන්නට ඉඩ නොදිය යුතු බවට බ්‍රිතාන්‍ය පාර්ලිමේන්තුවේ පවා සාකච්ඡාවීමත් නිසා තත්වය දුර ගියේය.

සිංගප්පූරුව ඔහුව ලිහිල් ප්‍රතිපත්තියකින් පිළිගත්තත් දැන් ලැබෙන අලුත්ම ආරංචි පවසන්නේ ගෝඨාභයට දින 15 කට වඩා රැඳී සිටීමට සිංගප්පූරුව අවසර නොදෙන බවයි.

ඒ් අනුව එළැඹෙන 29 දාට පෙර ඔහුට සිංගප්පූරුවෙන් පිටත්වීමට සිදුවෙනු ඇත.

රජයේ මූලාශ්‍ර වලට අනුව එලඹෙන අගෝස්තු මාසයේදී රාජපක්ෂ මහතා යළි ශ්‍රී ලංකාවට පැමිණීමට සූදානම් වේ. නමුත් ගැටලුව නම් තවම ‘අරගල‘ නිමාවී නොතිබීමය.

ඇතැම්විට හෙට (20) රනිල් වික්‍රමසිංහ ප්‍රමුඛ පොහොට්ටු ආංශික ආණ්ඩුවක් පිහිටුවන්නේ නම් 29 වනදා ගෝඨා මෙහි පැමිණීම බොහෝ විට සිදුවනු ඇති බවට ආරංචි පවතී.

ඔහු වසර දෙකයි මාස හතයි දින 25ක් ධූරයේ කටයුතු කර ඇති අතර හරියටම කිවහොත් ලැබුණු කාලයෙන් අඩක් ඔහු එම ධුරයේ කටයුතු කර ඇත.

නියමිත කාලයට පෙර ඉල්ලා අස් වුවද ඔහුට විශ්‍රාමික ජනාධිපතිවරයෙකුගේ වරප්‍රසාද හිමිවන බව ජනාධිපති නීතිඥ ආචාර්ය ජයතිස්ස ද කොස්තා පැහැදිලි කර ඇත.

1986 අංක 04 දරණ හිමිකම් පනතේ හිටපු ජනාධිපතිවරුන්ට හිමිවන වරප්‍රසාද සඳහන් වෙයි. හිමිකම් පනතට අනුව,

සෑම හිටපු ජනාධිපතිවරයෙකුට ම සහ හිටපු ජනාධිපතිවරයෙකුගේ වැන්දඹුවකට ම ඔහුගේ හෝ ඇයගේ ජීවිත කාලය තුළ වාසය සඳහා උචිත නිවාසයක් නිවාස කුලියෙන් තොරව සැපයිය යුතුය.

යම් හෙයකින් උචිත නිවාසයක් සැපයීමට නොහැකි හෝ අවශ්‍ය නැතැයි දන්වා සිටින අවස්ථාවක අදාළ ජනාධිපතිවරයාගේ විශ්‍රාම වැටුපෙන් තුනෙන් එකකට සමාන දීමනාවක් නිවාස කුලිය ලෙස රජය ලබා දිය යුතුය.

මෙම පනත අනුව හිටපු ජනාධිපතිවරයෙකු අභාවයට පත් වුවහොත් හිමි විශ්‍රාම වැටුපෙන් තුනෙන් දෙකකට සමාන විශ්‍රාම වැටුපක් සහ නිල නිවස බිරිදට හෝ සැමියාට ඔවුන් ජීවත් වන තුරු ලබා දිය යුතුය.

මීට අමතරව හිටපු ජනාධිපතිවරුන්ට සහ ඔවුන්ගේ බිරින්දෑවරුන්ට හෝ සැමියන්ට විශ්‍රාම වැටුප්, කාර්ය මණ්ඩලය, නිල නිවාස, ආරක්ෂක භටයින්, රථවාහන සහ ඉන්ධන වියදම් ද රජය මගින් ලබාදිය යුතු වෙයි.

හිටපු ජනාධිපති ගෝඨාභය රාජපක්ෂට මෙන්ම ඔහුගෙන් පසුව ඔහුගේ බිරිඳටද මෙම වරප්‍රසාද හිමිවනු ඇත.

Related articles

Recent articles